ခိုးကူး..... ခိုးကူး..... ခိုးကူး.....

သားစိုးနဲ့ ဖိုးချစ် CITY FM (၆) နှစ်ပြည့် အခွေမှ သီချင်းကို နားထောင်ပြီး တွေးမိတာပါ။ သီချင်းစာသား အလိုအရတော့ ခိုးကူးခွေတွေကြောင့် မြန်မာနိုင်ငံမှာ ဂီတသမားတွေလည်း အခြေပျက် နေတာကြောင့် သဘင်သည်တွေနဲ့ ပေါင်းပြီး သီချင်းဆိုနေရကြောင်း ခိုးကူးခွေတွေ ဒုက္ခပေးနေကြောင်း ရေးထားတာပါ။ ခိုးကူးခွေတွေ ဘာကြောင့် ဖြစ်လာရတာလဲ။

အရင် CD, VCD တွေ မပေါ်ခင် တိတ်ခွေ ခေတ်တုန်းကတော့ ယခုလောက် ခိုးကူးပြဿနာ မရှိသေးပါ။ Selection သီချင်း တိတ်ခွေတွေ ကူးကြသည်တော့ ရှိပါတယ်။ ဘာလို့ ခိုးကူးတွေ အဲ့ဒီအချိန်က မကျယ်ပြန့် ရတာလဲ။ ကျွန်တော် ထင်တာကတော့ အဲ့ဒီအချိန်တုန်းက Original အခွေ တန်ဖိုးနဲ့ Selection ပြန်ကူး သီချင်းခွေတွေရဲ့ တန်ဖိုး သိပ်မကွာတာလည်း တစ်ချက်လို့ထင်ပါတယ်။ ပြီးတော့ အသံ အရည်အသွေးမှာလည်း Original က ပိုသာပါတယ်။ တိတ်ခွေခေတ်တုန်းက ပေါ့လေ။

CD, VCD ခေတ်မှာကြတော့ အခွေ တန်ဖိုးအရဆိုရင် ခိုးကူးတွေဟာ Original အခွေတွေရဲ့ သုံးပုံတစ်ပုံလောက်သာ ပေးဝယ်ရပါတယ်။ ဆိုလိုတာက Original တစ်ခွေဝယ်ရင် ခိုးကူးက (၃) ခွေလောက် ဝယ်လို့ရပါတယ်။ အနည်းဆုံး တွက်ကြည့်တာပါ။ အရည်အသွေး ကြတော့လည်း တစ်ချို့ ခိုးကူးခွေတွေဟာ Original အခွေတွေလောက်နီးနီး (သာရင်တောင် သာသွားသေးတယ်) ရှိကြပါတယ်။ မြန်မာနိုင်ငံမှာ လူများစု အသုံးပြုနေတဲ့ တရုတ်နိုင်ငံလုပ် VCD, DVD စက်တွေကလည်း ခိုးကူး CD တွေကို အားပေးပါတယ်။ အထစ်အငေ့ါမရှိ ဖတ်ကြတယ်။ တစ်ခါတစ်လေ Original အခွေကမှ ထစ်နေသေးတယ်။

အခုလာပြန်ပြီ Selection DVD အခွေတွေ။ ကဲ Original အခွေတွေ နလန်ကော ထူးနိုင်ပါအုံးမလား။ ၁၀၀၀ ပေးပြီး တစ်ခွေဝယ်လိုက်ရင် အနည်းဆုံး VCD သီချင်း ပုဒ်ရေ (၅၀) (၆၀) လောက်ပါတယ်။ VCD ငါးခွေစာပေါ့လေ။ အမြဲတမ်းတော့ ခိုးကူးခွေတွေက နှာတစ်ဖျားသာနေတာ တွေ့ရပါတယ်။ ခိုးကူးခွေတွေ ပျောက်နိုင်ပါ့မလား။ တကယ်တော့ အသိဉာဏ်ပညာ မူပိုင်ခွင့်အရတော့ ယခုလို မူပိုင်ခွင့် အလွဲသုံးစား လုပ်မှုကို ရှုံ့ချရမှာပါ။ ဒါပေမယ့် ကျွန်တော်တို့ အများစု ခိုးကူးခွေတွေကို လက်မလွှတ်နိုင် သေးပါဘူး။ အလွယ်တကူ ရရှိနိုင်မှု၊ စရိတ်သက်သာမှု စသည်တို့က ဆွဲဆောင်နေစဲပါ။ မိတ်ဆွေသင်ကော ခိုးကူးခွေ မဝယ်ဘူးဖူးလား။ Original အခွေကိုသာ ဝယ်ယူအားပေးနေသူလား။ သို့ဆိုလျှင် သင့်ကို လှိုက်လှိုက်လှဲလှဲ ဂုဏ်ပြုအပ်ပါသည်။ သေချာတာ တစ်ခုကတော့ ကျွန်တော်ဟာ ဂုဏ်ပြုခံနိုင်လောက်သည့် အဆင့်မဟုတ်သေးပါ။