BoB နှင့် လေးဖြူကို အရှင်လတ်လတ် စင်ပေါ်မှာပြန်တွေ့ခဲ့ရတဲ့ Alpine Music Tour 2009

ကိုလေးဖြူစင်ပေါ်မှာ သီချင်းပြန်ဆိုမယ်ဆိုတော့ ကျွန်တော်တို့လည်း မနေနိုင်တော့ဘူး။ သွားအားပေးရတာပေါ့။ ရန်ကုန်မြို့ ကန်တော်ကြီး မျှော်စင်ကျွန်းမှာ ဇန်နဝါရီ ၃၀၊ ၃၁ ရက်နေ့များက Alpine ရဲ့အစီအစဉ်နဲ့ IC အဖွဲ့ရဲ့ ရှိုးပွဲကို ပြုလုပ်သွားခဲ့ပါတယ်။ ကျွန်တော်ကတော့ နောက်ဆုံးနေ့ဖြစ်တဲ့ (၃၁) ရက်နေ့မှာ သွားကြည့်ဖြစ်ခဲ့ပါတယ်။
ညနေ (၆) နာရီကျော်တာနဲ့ မျှော်စင်ကျွန်းမှာ IC ပရိတ်သတ်ဟာ လမ်းပြည့်တဲ့အထိ ရှိနေခဲ့ပါတယ်။ စတိတ်စင်အရှေ့မှာလည်း ပရိတ်သတ်တွေက အစောကြီးကတည်းက နေရာယူထားကြပါပြီ။ ၇ နာရီထိုးခါနီးလောက်မှာပဲ ကိုလေးဖြူရဲ့ သေချင်းရဲ့တံခါးများ ဆိုတဲ့ Rock အပြင်းစားနဲ့ စပြီးဖွင့်ခဲ့ပါတယ်။ အဲ့ဒီနောက်မှာတော့ မျိုးကြီးရဲ့ ကျောက်စာများ သီချင်းနဲ့ ပွဲကပိုပြီးမြူးလာခဲ့ပါတယ်။ နောက်တော့ ကိုအငဲ၊ ဝိုင်ဝိုင်းတို့ တစ်လှည့်စီဖျော်ဖြေခဲ့ပါတယ်။

ပရိတ်သတ်ရဲ့ အားပေးမှုကတော့ အချိန်ကြာတာနဲ့အမျှတိုးလာခဲ့ပါပြီ။ ဒီနေ့ပွဲမှာ “လေးဖြူ..လေးဖြူ” ဆိုပြီး ကိုလေးဖြူကိုပဲ တစ်ချိန်လုံး တောင်းဆိုနေခဲ့ကြပါပြီ။ ကိုလေးဖြူကလည်း BoB ထဲက နားထောင်မလား ဆိုပြီး “BoB, BoD, BoC” ဆိုတဲ့ အော်သံနဲ့အတူ “မလုပ်နဲ့ မလုပ်နဲ့ လက်နက်ငါချပြီးသား” သီချင်းကို စဆိုခဲ့ပါတယ်။

အဲ့ဒီနောက်မှာတော့ ကိုယ့်ရဲ့လမင်း၊ သံယောဇဉ်၊ စာမျက်နှာ (၁၅) စတဲ့ သီချင်းအေးလေးများကို သီဆိုသွားခဲ့ ပါတယ်။
ဒီနေ့ပွဲမှာ ထူးခြားတာလေးတွေကတော့ ဝိုင်ဝိုင်းရဲ့ တရုတ်သံဇဉ် သီချင်းအေးတစ်ပုဒ်ကို Rock ဆန်ဆန်သီဆိုသွားတာပါ။ နောက်ပြီး ဝိုင်ဝိုင်းရဲ့ တယ်လီဖုန်း သီချင်းကို လိဒ် Intro ကိုလေးဖြူကတီးပြီး မျိုးကြီးက Bass ဂီတာတီးပြီး သီဆိုသွားပါတယ်။ ဒီသီချင်းမှာပဲ နောက်ပိုင်းမှာတော့ ကိုအငဲက Solo ဝင်တီးပေးသွား ပါတယ်။
နောက်ထပ်ထူးခြားတာကတော့ ခရီးဆုံးထိ ကို ပရီတ်သတ်ကသီဆိုပြီး ကိုလေးဖြူကိုယ်တိုင် Hollow Guitar တီးပေးသွားတာပါ။ ပွဲပြီးဖို့အချိန်နီးလာတာနဲ့အမျှ ပရိတ်သတ်ကလည်း ကိုလေးဖြူကိုပဲ တောင်းဆိုနေခဲ့ပါတယ်။ ကိုလေးဖြူကလည်း ပရီတ်သတ်ကိုလိုက်လျောတဲ့ အနေနဲ့ အလင်းရောင် ကိုဆိုပေးခဲ့ပါတယ်။ အဲ့ဒီနောက်မှာတော့ IC တစ်ဖွဲ့လုံး ရောဂါ ကို သီဆိုခဲ့ပါတယ်။ နောက်ဆုံးအနေနဲ့တော့ “’ဒီလိုငါ ရုတ္တိမရှိတဲ့အဖြစ်ကို ငါရုတ္တိရှိဖို့မွန်းမံနေရင်း” ဆိုတဲ့ သီချင်းနဲ့ပွဲကပြီးဆုံးသွားခဲ့ပါတယ်။
ဒီနေ့ပွဲမှာတော့ ကိုလေးဖြူ သက်လုံကျနေတာတွေ့ရပါတယ်။ အရင်လောက်တော့ မဆိုနိုင်တော့ပါဘူး။ နှစ်ရက်ဆက်တိုက် ဖြစ်နေတာကြောင့် ပွဲပန်းတာလဲပါနိုင်ပါတယ်။ ဒီနေ့ပွဲမှာတော့ မျိုးကြီးနဲ့ကိုအငဲက တော်တော်ထိန်းသွားတာတွေ့ရပါတယ်။ ကိုလေးဖြူအားရပါးရ မဆိုနိုင်တာနဲ့ မျိုးကြီး တစ်ချက်အော်လိုက်တဲ့အချိန်မှာ အသံမဆိုသလောက်လေး ပျောက်သွားတာကလွဲလို့ ဒီနေ့ပွဲဟာ IC ပရိတ်သတ်အတွက်တော့ ကျေနပ်မှုရခဲ့ပါတယ်။ IC အဖွဲ့ရဲ့ Alpine Music Tour 2009 အောင်မြင်ပါစေ။ ဒီထက်လဲအောင်မြင်ပါစေ……