Database နှင့်ပတ်သက်ပြီး အနည်းငယ် လေ့လာမိရာမှ စဉ်းစားမိသည်များ ရှိလာ ပါသည်။ မြန်မာနိုင်ငံတွင် Database နှင့်ပတ်သက်ပြီး အစိုးရဌာနများသာမက စီးပွားရေးလုပ်ငန်း ကုမ္ပဏီများတွင်ပါ ထိထိရောက်ရောက် အသုံးပြုမှု နည်းနေ သေးပါသည်။ ကျွန်တော်တို့ ကွန်ပျူတာ တက္ကသိုလ်မှ ကျောင်းသားများသည်ပင်လျှင် Microsoft Access နှင့် SQL လောက်သာ အနည်းငယ်ရင်းနှီးသည်။ Oracle ဆိုလျှင် ဘာကောင်ကြီးမှန်းပင်မသိချင်။ ဒါက နည်းပညာအပိုင်း ဖြစ်သည်။ အသုံးချမှုအပိုင်းတွင်လည်း အသုံးချမည့်နေရာဌာန နည်းပါးနေ၍ လေ့လာသူများ နည်းပါးနေသော ဘာသာရပ်တစ်ခုဖြစ်နေသည်။ ကျောင်းသား အများစုမှာလည်း Java, .Net, C# စသည့် Programming Language များကိုသာ အာရုံစိုက်လေ့လာကြသည်။ Database နှင့်ပတ်သက်လျှင် အနည်းငယ် မျှသာ လေ့လာလေ့ရှိကြသည်။
ကွန်ပျူတာကိုအသုံးချမှုတွင် အများဆုံးနေရာမှာ စီးပွားရေးလုပ်ငန်းများဖြစ်ပါသည်။ မြန်မာနိုင်ငံတွင်တော့ အများစုသောလုပ်ငန်းများတွင် ကွန်ပျူတာသည် လက်နှိပ်စက် သာသာလောက်သာ အသုံးချနေကြပါသည်။ ဆိုလိုသည်မှာ ကွန်ပျူတာကို စာစီစာရိုက်လောက်သာ အသုံးချနေကြပါသည်။ ထို့ကြောင့်မြန်မာနိုင်ငံတွင် ကွန်ပျူတာနည်းပညာကို အသုံးချသည့် ပုံစံပြောင်းလဲလာပါက Database နည်းပညာ (ဝါ) Database ကို စီမံခန့်ခွဲပေးသည့် ပညာရှင် (Database Administrator-DBA) များ လိုအပ်လာမည် ဖြစ်ပါသည်။ ယခု အချိန်တွင်တော့ စူပါမားကတ်ကြီးများနှင့် တစ်ချို့ ကုမ္ပဏီကြီးများတွင်သာ အသုံးပြုသည်ကို တွေ့ရပါသည်။ Database စနစ်၏ အားသားချက်မှာ စာရင်းတ်ိကျခြင်းဖြစ်သည်။ ဆိုလိုသည်မှာ စတိုးဆိုင်တစ်ဆိုင်၏ ကုန်အဝင်အထွက် စာရင်းကို လူသားတို့ဖြင့် Manual လုပ်ဆောင်လျှင် တစ်ခါတစ်ရံ၌ အရောင်းစာရေးများ၏ မှားယွင်းမှုများကြောင့် လွဲမှားမှုများ ဖြစ်တတ်ပါသည်။ Database နည်းပညာကို အသုံးပြုပါက စာရင်းဇယား များကို မှန်မှန်ကန်ကန် မြန်မြန်ဆန်ဆန် တိတိကျကျ ဆောင်ရွက်ပေးနိုင်ပါသည်။
အစိုးရဌာနများ အနေဖြင့်မူ Database နည်းပညာဖြင့် တစ်ဌာနရှိစာရင်းများကို အခြားဌာနမှ ချိတ်ဆက် အသုံးပြုနိုင်ပါသည်။ ဥပမာ- ကလေးတစ်ယောက်မွေးဖွားလျှင် ကျန်းမာရေး ဝန်ကြီးဌာန၏ Database တွင် (ဖွားသေစာရင်း) အချက်အလက်များ ထည့်သွင်းထားပါက ထိုကလေးမှတ်ပုံတင်လုပ်လျှင် လူဝင်မှုကြီးကြပ်ရေးမှ မွေးသက္ကရာဇ်အမှန်ကို ထိုစာရင်းမှ အထောက်အထားရယူနိုင်ပါသည်။ ထို့အတူ ထိုကလေး ကျောင်းနေသော အခါတွင်လည်း ပညာရေးဝန်ကြီးဌာနမှ ထိုအချက်အလက်များကို အသုံးချနိုင်ပါသည်။ ထိုကဲ့သို့ ဝန်ကြီးဌာနများအကြား Data များကို Share လုပ်ပြီးသုံးစွဲနိုင်ပါသည်။ e-Government စနစ်ကို ဖော်ဆောင်မည်ဆိုလျှင် အရေးကြီးဆုံးမှာ Database စနစ်ဖြစ်ပါသည်။
ထိုသို့ Database စနစ်ကို အောင်မြင်စွာအသုံးချနိုင်လျှင် ပြည်သူများ၏ တာဝန်ဖြစ်သော အခွန်ဆောင်မှုများ၊ အစိုးရရုံးများနှင့် ပတ်သက်ပြီး အခြားလူမှုကိစ္စများ ဆောင်ရွက်ရာတွင် စိတ်အေးချမ်းသာ လွယ်ကူလျှင်မြန်စွာ ဆောင်ရွက်နိုင်မည်ဖြစ်ပါသည်။ Database စနစ်ကို Online စနစ်နှင့်မရောထွေးစေလိုပါ။ ဆိုလိုသည်မှာ Database စနစ်ထူထောင်ထားလျှင် ပြည်သူများရုံးကိစ္စကို အိမ်မှပင်ဆောင်ရွက်နိုင်သည်ဟု သဘော မသက်ရောက်ပါ။ ရုံးသို့သွားရောက် ဆောင်ရွက်ရမည့်ကိစ္စများမှာ ရုံးသို့သွားရမည်ဖြစ်ပါသည်။ သို့သော် Database စနစ်ဖြင့် ဆောင်ရွက်နိုင်ပါက ရုံးကိစ္စများဆောင်ရွက်သောအခါ ဖိုင်ရှာရအုံးမည်၊ အချိန်အနည်းငယ်ကြာမည်၊ နောက်တစ်ပတ်မှပြန်လာခဲ့ပါ စသော အသံများ ပျောက်သွားနိုင်ပါသည်။ ကွန်ပျူတာသည် ဘယ်တော့မှမငြီးပါ။ “မရလို့ပါ ရရင်လုပ်ပေးပါတယ်” ဟုလည်း မပြောတတ်ပါ။ သူအတတ်နိုင်ဆုံး (Database ထဲတွင်စာရင်းရှိလျှင်) ဆောင်ရွက်ပေးပါလိမ့်မည်။
ထို့ကြောင့် Database စနစ်ကို ထဲထဲဝင်ဝင် သိရှိနားလည်အောင် လေ့လာထားဖို့တော့ လိုနေပြီဖြစ်ပါသည်။ ယခုလက်ရှိတွင်တော့ File များကို Copy ကူး၍ Hard-Disk ထဲတွင် စုပြုံထည့်ထားခြင်းကိုပင် Database ဟုထင်နေသော ဌာနများရှိနေသေးပါကြောင်း…………….
No comments:
Post a Comment